ONLINE-РАДИО
31дек
Муддати 20 рузи охир дар саҳифаҳои иҷтимоии радиои “Ватан” озмуни аксҳои солинавӣ идома дошт ва он рузи 30-уми декабр ҷамъбаст гардид. Имруз ғолибони ин озмун бо диплому тӯҳфаҳои солинавӣ қадрдонӣ шуданд. АБояд гуфт аз миёни 152 акси солинавӣ, ки унвонии радиои “Ватан” ирсол шуд, танҳо акси се нафар пируз шуд. Мақоми аввал насиби Дидор Саъдуллоев гардида, дар ҷойи дуввум Мубораки Қосим ва дар зинаи севвум Тоҳири Назар қарор гирифтанд.
22дек
  Дар Тоҷикистон ҷоизадорони “Шаҳрванди соли 2021”-ро эълон карданд. Бояд гуфт маросими тақдими ҷоизаи эътирофи ҷамъиятии “Шаҳрванди соли 2021” дар меҳмонхонаи “Серена” дар Душанбе 21 декабр доир гардид. Ин аввалин чунин ҷоизаест, ки Эътилофи бонувони журналисти Тоҷикистон бо дастгирии Интернюс баргузор мекунад. Он ба 12 нафаре дода шуд, ки рафторашон намунаи шуҷоати шаҳрвандӣ гардида, дар дигаргуниҳои мусбат дар ҷомеа таъсири чашмрас гузоштааст. Бояд бигуем, ки Ҷоизаи мазкур ба Далер Имомалӣ, рӯзноманигор ва муаллифи маҳфили матбуотии радиои «Ватан» низ супурда шуд. Ӯ бо гузоришҳои далерона ва пахши мустақим дар мавзӯъҳои доғ маъруф аст. Мо аҳли эҷоди радиои “Ватан” ҳамкори азизу гиромии хешро бо дарёфти ин ҷоиза муборак мегуему барояш боз ҳам далериву шуҷоиро хоҳонем!!! акс аз сомонаи asiaplus.tj...
20дек
    Дар Тоҷикистон тадқиқоти нав оид ба муайян кардани афзалиятҳои расонавии сокинони Ҷумҳурии Тоҷикистон оғоз шуд. Тадқиқоти мазкур пурсиши зиёда аз 2,5 ҳазор аҳолии кишварро пешбинӣ мекунад. Аз натиҷаҳои тадқиқот маълум мешавад, ки сокинони кишвар кадом шабакаҳои телевизиониро мебинанд, кадом радиоро мешунаванд ва кадом рӯзномаю маҷаллаҳоро  мехонанд. Чӣ тавре ки Набӣ Юсупов - директори ТҶ “Машварати расонавӣ” ба радиои “Ватан”  хабар дод, ғайр аз бартариятҳо ба расонаҳои анъанавӣ, тадқиқот инчунин интихоби аҳолӣ дар нисбати шаклҳои нави расонидани иттилоъ тавассути абзорҳои интернетӣ - сомонаҳо, шабакаҳои иҷтимоӣ, паёмрасонҳо ва почтаи электрониро низ  муайян хоҳад кард. Ба гуфтаи созмондиҳандагони тадқиқот, тавассути муайян кардани симои корбари фаъоли воситаҳои мухобироти оммавӣ, тадқиқот метавонад якбора ба се ҳадаф ноил шавад. Якум, аудиторияи истеъмолкунандагон ва сатҳи истифодаи ВАО-ро муайян кунад. Дуввум, ба расонаҳои ватанӣ барои беҳтар сохтани муҳтаво кумак намояд. Ва сеюм, ба манбаъҳои ахбор дар муайян кардани воситаҳои муассиртарин барои паҳн кардани маҳсулоти иттилоотӣ, ки мустақиман ба аудиторияи мақсадноки онҳо нигаронида шудаанд, ёрӣ расонад. Тадқиқоти афзалиятҳои расонавии аҳолии Тоҷикистон лоиҳаи ташкилоти ҷамъиятии “Машварати расонавӣ” аст, ки дар шарикӣ бо Вазорати фарҳанги Ҷумҳурии Тоҷикистон ва Маркази тадқиқоти сотсиологии “Зеркало” роҳандозӣ мегардад. Дастгирии молиявии ин лоиҳа аз ҷониби Сафорати ИМА дар Тоҷикистон сурат мегирад. Чӣ тавре, ки Набӣ Юсупов қайд кард, тадқиқоти мазкур бори сеюм гузаронида мешавад ва онро бидуни дастгирии Вазорати фарҳанг ва Маркази тадқиқоти сотсиологии “Зеркало” баргузор кардан мушкил буд. “Барои ҷилавгирӣ аз бархӯрди манфиатҳо мо дидаву дониста  ба идораҳои дахлдори давлатӣ муроҷиат накардем, - мегӯяд Н.Юсупов. Бинобар ин, аз Вазорати фарҳанги ҶТ сипосгузорем, ки бори сеюм барои бо сифати баланд баргузор кардани тадқиқот мусоидат менамояд. Тадқиқоти мазкур бори сеюм гузаронда мешавад. Боиси зикр аст, ки дар тадқикоти соли 2019 се Радиои “Ватан” – дар байни радиостансияҳои мустақили ш.Душанбе ҷойи аввалро ишғол кард.
24ноя
     Парчами миллӣ мояи ифтихори ҳар як шаҳрванди Тоҷикистони соҳибистиқлол, ифодагари иттиҳоду сарҷамъӣ, нангу номус, ватандӯстиву ватанпарастӣ ва ҳувияти миллии мардуми фарҳангии мо буда, мақсаду мароми созандаи тоҷиконро дар ҷилои рангҳои худ инъикос намудааст. Ширкати телевизион ва ридиошунаовнии «Ватан» ҳамаи шуморо ба ифтихори Рӯзи Парчами давлатӣ, самимона табрик мегӯяд. Бароятон саломативу комёбӣ ва дар корҳоятон муваффақиятҳои беназирро хоҳон аст. Роҳатон мисли Парчам пурҷилову ҳамвор бошад!  
15ноя
Ҳамасола дар Тоҷикистон санаи 16 ноябр рӯзи Президент таҷлил мегардад. Ин рузи таърихӣ чун  таҷассумгари орзую омоли неки мардум, кафили сулҳу оромӣ, меҳру муҳаббат, адолату шафқат, хираду пешрафт ва ваҳдату ҳамдилии ҷомеа мебошад. Ёдовар мешавем, ки 15 апрели соли 2016 вакилони палати поёнӣ пешниҳоди Ҳукумати Тоҷикистонро дар мавриди ворид намудани илова ба Қонуни Ҷумҳурии Тоҷикистон «Дар бораи рӯзҳои ид» баррасӣ ва қабул карданд. Минбаъд дар асоси он ҳамасола 16 ноябр дар кишвар Рӯзи Президенти Тоҷикистон бидуни истироҳат таҷлил карда мешавад.
6ноя
       5 ноябри соли ҷорӣ дар шаҳри Душанбе маросими 10-уми ҷоизасупории лоиҳаи “ТОП-50” баргузор шуд. Ин чорабинӣ дар меҳмонхонаи Hyatt Regency Dushanbe сурат гирифт. Дар ин маросим 50 нафари арзанда ба ин ҷоиза ва саҳми эшон дар рушду пешравиҳои Ватани азиз муарифӣ шуданд.  Бояд гуфт лоиҳаи “ТОП-50” яке аз беҳтарин лоиҳаҳои ширкати телевизион ва радиошунавонии “Ватан” буда, он сар аз соли 2011 то инҷониб баргузор карда мешавад. РУЙХАТИ ҶОИЗАДОРОНИ “ТОП-50”, 2021 1.            Абдуқаҳҳор Қосим-шоир, таронанавис, журналист, тарҷумон 2.            Абдулло Қурбонов-ҳаммуассиси Алиф Бонк 3.            Абдурашид Ализода –журналист, ровӣ 4.            Азиза Ҳамидова –фаъоли ҷамъиятӣ 5.            Азизҷон Азими-муассиси маркази TajRupt 6.            Анаҳита Сафарова –мутахассиси ҷавон 7.            Асадулло Раҳмон -соҳибкор 8.            Барно Боева-тарҷумон, журналист,муҳаррири маҷаллаи минтақавии “Бахтоварони Ваҳдат” 9.            Виталий Хинензон -куҳнавард 10.          Ҷаннат Хусейнзода -пианинанавоз 11.          Заррина Ачилова-мутахассиси муносиботи байналмилалӣ 12.          Зебиниссо Иноятова-табиб-гастроэнтеролог аз ВМКБ 13.          Камолиддин Сайфиддинов-директори театри опера ва балети ба номи С. Айнӣ 14.          Кристина Ильяс-заргар 15.          Лариса Оринина -омузгор 16.          Мавзуна Ахунова-табиб 17.          Мавҷуда Бозорова –равоншиноси кудакон 18.          Малика Сафарова-муаллима 19.          Маъруфҷон Менгатов-валонтер-ихтиёрӣ 20.          Муҳаммад-Али Маҳмадов-ҳунарманди Халқии Тоҷикистон 21.          Муҳсин Юсуфзода-ёрдамчии сардори раёсати ВКД дар шаҳри Душанбе, капитани милиса 22.          Насима Мастибекова-табиб аз шаҳри Бохтар 23.          Нигина Мамаҷонова -нависанда 24.          Ниёза Айни-волонтёр 25.          Носири Мирзо-тоҷир 26.          Оксана Гончарова -табиб 27.          Ольга Кузьмичева-омузгор 28.          Парвиз Кашкаров-рахбари клуби варзишии “Ирбис” 29.          Пулат Пулатов –олим, муассис макатаби Пулатов дар шаҳри Хуҷанд ва гимназияи хусусии “Тоҷикистон” дар Душанбе 30.          Рустам Маилов –эҷодкори асил 31.          Рустам Шоҳмурод-ҳуқуқшинос 32.          Сабоҳат Мирзоева-соҳибкор 33.          Сабохат Рахимзода- рохбари Ассотсиатсияи миллии бонувони соҳибкори “Кадбону” 34.          Сафар Ҳақдодов –филмноманавис, коргардон,раиси иттифоқи синамогарони Тоҷикистон 35.          Сафарали Шамсиев-гулпарвар 36.          Содиқ Нуруллоев-ҳунарманди шоистаи ҶТ, омузгори консерватория 37.          Умед Очилов -соҳибкор 38.          Умиҷон Улугов –ҳамоҳангсози ташкилоти экологии “Пешсаф” 39.          Фарангис Шарипова-мутахассис дар самти туризм 40.          Фаридун Хайруллозода-директори радиои “Авто радио” 41.          Фаридуншоҳ Ваҳҳобзода-ассистенти кафедраи коллеҷи тиббӣ, табиб-ташхисгар 42.          Ҳамзабек Мирзовалиён Ҳакимзода-адвокат 43.          Хосият Олимова-омузгори Консерватория 44.          Хосияхон Марданова-инсони бо иродаи устувор ва мубориз, маъюби гуруҳи аввал 45.          Ҳусниддин Қодиров-Соҳибкор 46.          Чоршанбе Аловатов-овозхон 47.          Шарифамоҳ Алиева-ягона зан -ронандаи мошини ёрии таъҷилӣ 48.          Шуҳрат Орипов-иқтисоддон 49.          Шуҳрат Юлдашев –табиб, дандонпизишк 50.          Шуҳратҷон Ёров -аксбардор   ШТР "Ватан" ба ҳама шарикону ҳамкорон ва сарпарастон аз ҷумла Бонки Эсхата, маркази савдои Ёвар, Маскан Tower, Вегафарм, Нео Юниверс, маркази ҷавоҳироти Ақиқа, Улкер Тоҷикистон, Сиёма, New Energy Group, толори ҳусни Matrix, Абдулло-Медиа, Бахт-Ивентс ва Red Line ҷиҳати дастгирӣ ва баргузори ин чорабинӣ изҳори миннатдорӣ баён мекунад.
6ноя
Ҳамватанони азиз! Табрикоти самимонаи  моро  ба муносибати ҷашни  Конститутсияи  Ҷумҳурии Тоҷикистон бипазиред. Дар ин рӯз ба Шумо ва ба тамоми хонаводаатон саломатӣ, бахту саодат, зиндагии осуда, сарсабзиву хонаободиро таманно дорем!.
4ноя
    Инак пас аз як руз мо ғолибони ҷоизаи лоиҳаи “ТОП-50”-ро хоҳем шинохт. Ёдрас мешавем, маросими ботантанаи ҷоизапусории лоиҳаи “Топ-50” дар соли 2020 5 ноябри соли 2021 дар меҳмонхонаи Hyatt Regency Dushanbe баргузор мешавад. Оғози чорабинӣ соати 17-30 дақика. Бояд гуфт дар ин маросим 50 нафари арзанда ба ин ҷоиза ва саҳми эшон дар рушду пешравиҳои Ватани азиз муарифӣ мешавад. Бояд гуфт лоиҳаи “ТОП-50” яке аз беҳтарин лоиҳаҳои ширкати телевизион ва радиошунавонии “Ватан” буда, он сар аз соли 2011 то инҷониб баргузор карда мешавад. Сарпарасти расмӣ:  Умный Дом ва бонки Эсхата Сарпарастон: Улкер Тоҷикистон, маркази ҷавоҳироти Ақиқа,  ширкати Мегафарм бо доруи пардифен, корхонаи истеҳсоли маҳсулоти қаннодии Ширин, Бонки байналмилаии Тоҷикистон, New Energy,ва Маскан тауер Ҳамкорон: Абдулло-Медиа, Бахт-Ивентс, Red Line, ва толори ҳусни Matrix. ШТР "Ватан" ба ҳама шарикону ҳамкорон ва сарпарастон ҷиҳати дастгирӣ ва баргузори ин чорабинӣ изҳори миннатдорӣ мекунад.
4ноя
     Вазорати фарҳанги Ҷумҳурии Тоҷикистон бахшида ба 30-умин солгарди Истиқлоли давлатии ҶТ  се нафар корманди радиои “Ватан”-ро бо нишони Аълочии Фарҳанги ҶТ қадрдонӣ карданд. Бояд бигуем ки  бо ин нишон ровӣ Далери Имомалӣ, коргардони овоз Зураб Кокоев ва ровии бахшҳои хабарӣ Матлубаи Додихудо сазовор дониста шуданд.   

Асос

дар бораи мо

Lorem ipsum dolor sit amet, consectetur adipiscing elit. Etiam luctus diam vitae eleifend sollicitudin. Donec dictum interdum lacus vel porttitor. Phasellus id luctus urna, eget malesuada felis. Quisque facilisis ligula vel lacus volutpat, vel tristique quam ultricies. Donec purus justo, semper quis ante in, consectetur gravida diam. Donec quis nulla lacus. In eget pharetra massa, ut euismod orci. Fusce tempor cursus nunc, et euismod massa porttitor ac. Donec vel nunc vitae purus consectetur rhoncus vel vel massa.

ШАРҲИ БЕШТАР
РАДИОИ ВАТАН БАРОИ ҲАМКОРӢ ВА ТАТБИҚИ ЛОИҲАҲОИ ШАРИКӢ ОМОДА АСТ.