Муборак бод мавсими нави таҳсил !!!
1-уми сентябр - Рӯзи Дониш
Ба синфи 1 рафтани ман мисли огози тахсили наврасони дигари шурави буд. Гулдастахои хоксорона аз кадом боге, чамъомади тантанави, шиорхои замони шурави….ва ошхонаи мактаби. Кам чиз аз рузи аввали тахсил ба ёдам хаст.
Ин соли 1984 буд. Мактаби миёнаи раками 1-и нохияи Файзобод. Синфи мо 1 «г» буд. Муаллими аввалини ман Абдучаббор Каримов буд. Тахмин мекунам, ки аз услуби дарсгузари, навовари дар вакти дарс ва истеъдоди чалб сохтани шогирдон дар синфи аввал як андоза кисмати ояндаи кудак ва шаклгирии орзуву хохиши тахсилаш вобаста аст. Ба ёдам хаст, ки бо ман хамеша модарам дарс мекард, ман бо у машки хат мекардам, харфхоро бо кумаки у бо хам ба кавле «чанг меандохтам». Мо аз як куча чанд нафар дар як синф тахсил мекардем…
Тахмин мекунам, ки волидони мо он замон шояд ба ин хадде ки имруз хаст, ташвишу захмат надошта буданд. Ба хар сурат, зухуроте, ки имруз хасту эхтимол дергох боки монад — мисли пулчамъкунии зиёд дар муассисахои то мактаби ва мактаби, мушкили китобхои дарси, чанчоли мактабиён ва гайра он замон набуд.
Холо фикр мекунам, ки он замон синфхои аввал аз рафтан ба мактаб, гузаштан ба канори дигари рохи мошингард намехаросиданд, зеро ронандахо босаводу тахсилдида буданд, гизохо — хатто сарирохиаш хам, моро захролуд намекард, зеро тоза буду самимона тахия мешуд, дертар омадани мо аз мактаб касеро хавотир намекард, зеро мардум ба хамдигар бовари доштанд, заминае барои ба мактаб нарафтан ва аз тахсил дур будан набуд…
Субҳон Ҷалилов, Директори барномаҳои Радиои "Ватан"
