Рузи ҷавонон муборак!!!

        23 май чун анъана дар Тоҷикистон рузи ҷавонон аст. Ин сана аз соли 1997 то инҷониб ҳар сол дар ҷумҳурӣ қайд карда мешавад. Ширкати телевизион ва радиошунавонии “Ватан” кулли ҷавонони ҷумҳуриро ба ин муносибат самимона таҳнияту шодбош мегуяд.  Бояд гуфт ҷавонон дар ҳама давру замон неруи пешбарандаи ҷомеа ба ҳисоб мераванд. Вобаста ба ин, Асогузори сулҳу ваҳдати миллӣ, Пешвои миллат, Президенти Тоҷикистон муҳтарам Эмомали Раҳмон таъкид кардаанд: “Имруз ҷавонони мо бо азму иродаи қавӣ ва бо завқи баланд илму донишҳои муосирро аз худ карда, дар соҳаҳои гуногуни ҳаёти давлату ҷомеа ва ба хотири рушди кишвари маҳбубамон саъю талоши фаъолона доранд ва аз ин ру, имруз рушди сиёсиву иқтисодӣ ва иҷтимоиву фарҳангии ягон давлатро бе иштироки фаъолонаи ҷавонон тасаввур кардан аз имкон берун аст”. Маҳз ҷавонон ҳастанд, ки бо ҳисси ватандусти ва саъю талоши созандаву бунёдкорона барои ободии кишвар ва рушди иқтисоди Ватан,  ҳамчунин таъмини сулҳу субот саҳми арзанда мегузоранду хоҳанд гузошт!